Испаниялик югурувчи пошнали туфлида жаҳон рекордини янгилади

Испаниялик профессионал спортчи 100 метр масофани 16,55 сонияда пошнали туфлида босиб ўтиб, Гиннеснинг рекордлар китобига кирди.

Роберто Лопес Родригес 7 сантиметрли кўк пошнали туфлида орқага югурди. У кўринишини шу рангдаги пайпоқ ва спорт кийими билан уйғунлаштирди. Финиш чизиғидан ўтгач, спортчи зудлик билан оёқ кийимини ечиб, енгиллик туйғусини ҳис қилганини айтди.

Родригес кўплаб рекордларга эга тажрибали спортчи ҳисобланади. Бу гал у аввалги натижасини ҳам янгилади. Илгари у 100 метрни пошнали туфлида 20 сонияда босиб ўтган эди. Шунингдек, унинг бошқа ютуқлари қаторида 400 метрни энг тез югуриш (1 дақиқа 1,38 сония) ва шиппакда 100 метрни 12,10 сонияда босиб ўтиш каби рекордлар ҳам мавжуд.

Чарос Заркараева

«ЗАМИН.УЗ» муҳаррири