Тўрт вазн тоифасида собиқ жаҳон чемпиони ҳисобланган мексикалик машҳур боксчи Сауль «Канело» Альварес америкалик рақиби Теренс Кроуфордга қарши жангдаги мағлубияти ҳақида ўз фикрларини билдирди.
«Биз Кроуфорднинг жуда кучли жангчи эканлигини олдиндан яхши билардик. Мен барча имкониятларимдан фойдаланишга уриниб, чин дилдан ҳаракат қилдим. Ҳар хил усулларни қўллаб кўрдим, аммо барибир у ўз маҳорат ва тактикалари билан ғалабага арзиди. Мен бор кучимни ишга солдим, лекин унинг услубига қарши муносиб йўл топа олмадим», – деди Альварес жангдан сўнг.
Эслатиб ўтамиз, мазкур тўқнашув 14 сентябрь куни АҚШнинг Лас-Вегас шаҳрида ўтказилди. Қизғин ва тортишувли кечган жанг ҳакамлар қарори билан америкалик Теренс Кроуфорднинг ғалабаси билан якунланди: 116–112, 115–113, 115–113 ҳисобида.
Бу беллашув икки жаҳон супер юлдузлари тўқнашуви сифатида тарихда қолиши аниқ. Кроуфорднинг ғалабаси унга янада катта нуфуз олиб келса, Альварес ўзини яна қайта тиклаб, янги синовларга тайёрланишини билдирди.
«Замин»ни Telegram’да ўқинг!
