"Челси" клуби футболчиси Жейми Байно-Гиттенс Амстердамнинг "Аякс" жамоасига қарши ўйиндан сўнг ўз фикрини билдирди. Учрашув 22 октябрь куни "Челси" майдонида бўлиб ўтди ва инглиз клуби 5:1 ҳисобида ғалаба қозонди.
Байно-Гиттенс жамоага мослашиш жараёнида эканини таъкидлади. У "Челси"даги ўйин услубига ўрганаётганини ва ҳозирча ҳаммаси яхши кетаётганини айтди. Футболчи бундай кучли жамоадошлар билан бирга бўлишдан мамнунлигини билдирди.
Ярим ҳимоячи "Челси" ҳозирда Чемпионлар лигаси гуруҳ босқичида яхши ўринда турганини эслатди. У жамоа олдинда ҳам яхши ўйнашини, кўпроқ гол уриб, тўплар нисбатини оширишга ҳаракат қилишини қайд этди.
Байно-Гиттенс июнь ойида Челсига ўтган эди. У бунгача Германиянинг "Боруссия" Дортмунд жамоасида тўп сурган. Унинг трансфери 56 миллион еврога баҳоланган.
