"Ливерпул" Клоппни қайтариши мумкин

"Ливерпул" жамоаси сўнгги натижалардан хавотирда. Арне Слот бошқарувидаги жамоа ўтган олти учрашувда битта ғалаба ва бешта мағлубиятга учради.

CaughtOffside манбаси IndyKaila News'га таяниб хабар беришича, ҳозирча Слот ўз лавозимида қолади. Аммо натижалар яхшиланмаса, Мерсисайд жамоаси раҳбарияти бош мураббийни алмаштириш қарорини кўриб чиқиши мумкин.

Манбага кўра, агарда Слот билан хайрлашишга тўғри келса, "Ливерпул" Юрген Клоппни қайтариш вариантини ҳам кўриб чиқиши эҳтимолдан ҳоли эмас. Яқинда Клопп агар Премьер-лигада яна ишласа, фақат "Ливерпул"ни бошқаришини маълум қилган эди.

Юрген Клопп 2015–2024 йилларда "Ливерпул"ни бошқарган. Ҳозирда у "Ред Булл" футбол тизимида фаолият юритмоқда.