Собиқ "Барселона" ҳужумчиси Лионел Месси каталон клубидаги энг бахтли дамлари ҳақида гапирди.
"Энг бахтли лаҳзаларим қайсилар? Буни танлаш қийин. Мен "Барселона"да жуда кўп улуғвор дамларни бошдан кечирдим.
Одатда бахт ҳақида гапирганда, трофейлар ва ғалабаларни эслаймиз. Хосеп Гвардиола билан биринчи 'секшет' ғалабамиз ҳайратланарли эди.
Луис Энрике билан Чемпионлар Лигаси сўнгги ғалабаси ҳам шундай эди. Аммо бахт бу фақат ғалабалар эмас, мен "Барселона"да бошдан кечирган барча лаҳзаларим. Ҳам футболчи сифатида, ҳам инсон сифатида."
"Бахт бу фақат унвонлар эмас. Агар ғалабаларни олиб ташласак, нима қолади?
Энг муҳими, клубнинг бир қисми бўлиш. Мен бу ерга болалигимда келганман ва "Барселона"да бутун ҳаётимни ўтказдим.
Худога миннатдорман, у мени бу ерга олиб келди. Фарзандларим шу ерда туғилган. Бу шаҳар менинг ҳаётим ўтган жой. Мен нафақат клубни, балки Барселона шаҳрини ҳам юрагимда сақлайман," деди Месси испан Sport нашрига.
Ҳозирда Лионел Месси "Интер Майами" сафида ўйнайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
