Украина бош мураббийи Исландияга қарши ўйин ҳақида фикр билдирди

Украина терма жамоаси бош мураббийи Сергей Ребров ЖЧ-2026 саралаш босқичида Исландияга қарши ўйин олдидан ўз фикрлари билан ўртоқлашди. Мазкур учрашув 16 ноябр куни Тошкент вақти билан соат 22:00 да бошланади.

"Менимча, биз Исландияда амалга оширганимизни сақлаб қолишимиз керак. Биринчи бўлимдаги тезкор ҳужумлар, иккинчи бўлимдаги тўпни қайтариб олиш ҳаракатлари бизга натижа келтирди. Бироқ бу сафар янада тажовузкор ўйнашимиз лозим", – деди Ребров sport.ua нашрига берган интервьюсида.

Аввалги ўйинда Украина 5:3 ҳисобига ғалаба қозонган эди. Ҳозирда ҳар икки жамоа 7 очкога эга, Исландия эса плей-офф босқичига чиқиш имкониятига эга.