Ўзбекистон терма жамоаси Жаҳон бокс сериясининг (WSB) эндигина бошланган 7-мавсумини мағлубият билан бошлади. Ўзбекистонлик боксчилар мавсумнинг 1-турида меҳмонда Хитойнинг China Dragons жамоасига мағлуб бўлишди, деб хабар бермоқда Кун нашри.
Бу учрашувда Uzbek Tigers ("Ўзбек йўлбарслари") жамоасини 5 та вазн тоифасида қуйидаги боксчилар билдирдилар: Мироншох Иброҳимов (49 кг), Абдулҳай Шараҳматов (56 кг), Элнур Абдураимов (64 кг), Улуғбек Ҳақбердиев (75 кг) ва Бобурбек Йўлдошев (91 кг).
Учрашув "йўлбарслар" учун муваффақиятли бошланди: 1-жангда Мироншох Иброҳимов рақиби Хин Хуянгни 3:0 ҳисобида мағлуб этди. 2-жангда Абдулҳай Шараҳматов ҳам Лонг Янг устидан шундай ҳисобда зафар қучди.
Бироқ Элнур Абдураимов номаълум сабабларга кўра рингга кўтарилмаган, Улуғбек Ҳақбердиев ва Бобурбек Йўлдошев эса мағлубиятга учраганлар. Шу тариқа, 1-турда Ўзбекистон Хитойга 3:2 ҳисобида имкониятни бой берди.
Жорий йилда 12 та жамоа уч гуруҳга бўлинган. Uzbek Tigers China Dragons, Russian Boxing Team (Россия) ва Astana Arlans (Қозоғистон) билан С гуруҳидан жой олган. Ўзбекистонлик боксчилар кейинги учрашувни 18 февралда меҳмонда қозоғистонлик рақибларига қарши ўтказадилар. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Тадбиркорларга қўлланадиган молиявий жарима камайтирилади
Нега Трамп Зеленскийни ёмон кўради?
Сирдарёда бюджетга жуда кўп миқдорда зарар етказган майнинг ферма аниқланди
Зеленский: Россия Украинанинг иссиқлик энергетикасини деярли тўлиқ яксон қилди