Элдор Шомуродов: "Шахсий рекордлардан кўра жамоа ғалабаси муҳим"

1 дақиқа ўқиш235
Элдор Шомуродов: "Шахсий рекордлардан кўра жамоа ғалабаси муҳим"

Туркия Суперлигасининг 17-тури доирасида «Газиантеп» устидан 5:1 ҳисобидаги йирик ғалабадан сўнг "Истанбул Башакшеҳир" ва Ўзбекистон миллий терма жамоаси ҳужумчиси Элдор Шомуродов журналистлар билан мулоқот қилди.

Матбуот анжуманида унга тўпурарлар пойгасидаги ҳолати ҳақида савол берилди. Журналистлар Шомуродов айни пайтда голлар сони бўйича пешқадам эканини, шу жумладан Пол Онуачу, Мауро Икарди ва Андерсон Талиска каби номдор ҳужумчилар ундан ортда қолаётганини эслатиб, бу рақобат ҳақида фикрини сўрашди.

Ўзбекистонлик тўпурар эса саволга жуда хотиржам ва камтарона жавоб қайтарди:
“Тўпурарлик пойгасида бўлиш, албатта, ёқимли. Лекин мен учун энг асосийси — жамоанинг ғалабаси ва турнир жадвалида юқори поғоналарга кўтарилиш. Шахсий статистика эмас, умумий натижа муҳим”, — деди Шомуродов.

Эслатиб ўтамиз, «Газиантеп»га қарши баҳсда Элдор бир гол уриб, яна бир голли узатма муаллифи бўлди. Шу тариқа, унинг жорий мавсумдаги кўрсаткичи 12 та гол ва 3 та ассистга етди. Бу натижа билан у Туркия чемпионатида «гол+пас» кўрсаткичи бўйича мутлақ пешқадамга айланди.

Мутахассислар фикрича, Шомуродовнинг айнан жамоавий ўйинни биринчи ўринга қўйиши «Башакшеҳир»нинг сўнгги турларда барқарор натижалар кўрсатишига хизмат қилмоқда. Мухлислар эса унинг нафақат голлари, балки етакчилик фазилатларини ҳам алоҳида қадрламоқда.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?