«Милан» бош мураббийи Массимилиано Аллегри «Кальяри»га қарши ўйин олдидан матбуот анжуманида иштирок этди. А Сериянинг 18-тур учрашуви 2 январ куни соат 00:45 да (Тошкент вақти билан) старт олади. Бу ҳақда euro-football.ru хабар беради.
Аллегри баҳс осон кечмаслигини таъкидлади: унинг фикрича, турнир жадвали аста-секин ўз кўринишини топмоқда ва «Милан» кучли тўртликдаги ўрнини сақлаб қолиш учун навбатдаги қадамни ташлаши шарт. Мураббий 15 февралгача жамоани 8 та ўйин кутаётгани, улардан 6 таси сафарда бўлиши, атиги 2 таси эса ўз майдонида ўтишини эслатиб, таркибдаги барча футболчилар тайёр бўлиши муҳимлигини қайд этди.
Жамоа янгиликлари ҳақида гапирган Аллегри: Габбия сафга қайтганини билдириб, у «Кальяри»га қарши учрашувда захирада бўлишини айтди. Нкунку эса тўпиғидаги муаммо сабаб ўйинни ўтказиб юборди. Леао тўлиқ тикланган, бироқ бир ой ўйнамагани учун қанча вақт майдонда қолиши масаласи очиқ. Пулишич кечагача якка тартибда шуғулланган, Павлович сафарга қўшилади, аммо яқинда шамоллаган — мураббий уларнинг ҳолати ўйин куни аниқланишини маълум қилди.
Ҳозирда «Милан» 35 очко билан иккинчи ўринда бормоқда. «Кальяри» эса 18 очко жамғарган ва турнир жадвалида 14-поғонани эгаллаб турибди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
