Олма-отада ўзбек қизлари рингда 23 та медалларни қўлга киритишди

15–20 февраль кунлари Олма-ота шаҳрида Ермахан Ибраимов соврини учун анъанавий халқаро турнир бўлиб ўтди. Мусобақа Ермахан Ибраимов — Сидней Олимпиадаси чемпиони совринига бағишланиб, қизлар (2008–2009) ҳамда ўсмир қизлар (2010–2011) ўртасида ўтказилди.

Ушбу нуфузли беллашувда Тимур Ахбаев мураббийлигидаги Ўзбекистон терма жамоаси ҳам қатнашди ва натижа — ростдан ҳам қувонарли: 8 та олтин, 5 та кумуш, 10 та бронза, жами 23 та медаль! Қисқаси, рингда “биз келдик” деган гапни шунчаки айтиб эмас, медаллар билан исботлаб кетишди. Бу ҳақда Ўзбекистон бокс федерацияси хабар берди.

Олтин медал соҳиблари

• -46 кг — Рухшонабону Аҳадова

• -48 кг — Фарангиз Усвалиева

• -50 кг — Парвина Шакарова

• -57 кг — Қумринисо Муҳаммадова

• -63 кг — Меҳримах Қиличова

• -54 кг — Сабрина Чакоманова

• -75 кг — Самира Турғунова

• +80 кг — Нилуфархон Абдуҳошимова

Кумуш медал соҳиблари

• -46 кг — Райҳона Алимхонова

• -48 кг — Нафиса Босимова

• -52 кг — Сабина Мирзаева

• -75 кг — Лобар Шайманова

• -80 кг — Ферузабону Камолова

Бронза медал соҳиблари

• -48 кг — Жанелия Алибекова

• -52 кг — Маржона Худайбердиева

• -60 кг — Саломатхон Сардорова

• -66 кг — Диёра Бўрибоева

• -48 кг — Мафтуна Мусурмонова

• -51 кг — Мухтасар Алиева

• -54 кг — Шодиёна Мелиқўзиева

• -60 кг — Рушанабону Исоева

• -80 кг — Гулчеҳра Колдосбаева

• +80 кг — Гулсимай Хожабаева

Бу ютуқлар нафақат медаллар жамланмаси, балки жамоанинг характери, тайёргарлиги ва рақобатга тайёр эканини ҳам кўрсатди. Энг ёқимлиси — бундай турнирлар келажак учун “катта ринг”га йўл очади: тажриба йиғилади, ишонч ортади, номлар эса мухлислар хотирасида қолади.

Shuhrat Razzakov

«ZAMIN.UZ» муҳаррири