Марсело Галъярдо мураббий сифатидаги сўнгги учрашувини ўтказди: унинг жамоаси Банфилдга қарши баҳсда 3:1 ҳисобида ғалаба қозониб, кетма-кет уч мағлубиятдан иборат омадсиз серияни якунлади. Бу ҳақда euro-football.ru хабар беради.
Айнан шу муваффақиятсиз натижалар занжири Галъярдонинг лавозимини хавф остида қолдирган эди, бироқ клуб унга чиройли тарзда хайрлашиш имконини берди. У эса майдон четида буни жуда таъсирли лаҳзага айлантирди.
Ўйиндан кейин кўз ёшларини яширмаган Галъярдо мухлисларга миннатдорлик билдириб, шундай деди: «Ҳаммага шунчаки раҳмат. Сизларнинг меҳрингизни сўз билан ифодалаш қийин. Мен абадий кетмаяпман. Ривер Плейтдан ҳеч ким абадий кетмайди. Бу сеҳрли жой: ҳатто кетсанг ҳам, барибир клуб билан қоласан».
Эслатиб ўтамиз, Марсело 1990-йилларда клуб шарафини ҳимоя қилган, шунингдек, Аргентина терма жамоаси сафида ҳам тўп тепган.
“Zamin”ни Telegram'да ўқинг!
