Туркиянинг икки гранди — «Галатасарой» ва «Фенербахче» сафида ўйнайдиган футболчилар ставкалар билан боғлиқ иш бўйича қамоқ жазоси олиши мумкин. Бу ҳақда euro-football.ru хабар беради.
Гап «Галатасарой» футболчиси Метехан Балтачи ва «Фенербахче» сардори Мерт Ҳакан Яндаш ҳақида кетмоқда. Биринчисига 13 йилгача, иккинчисига эса 17 йилгача озодликдан маҳрум этиш эҳтимоли бор.
Sabah нашри маълумотига кўра, Балтачи камида икки марта «Галатасарой» ўйинларига пул тиккан. У учрашувларда асосий таркибда майдонга тушмаган бўлса-да, жамоа қайдномасида бўлган ва бу ҳолат футболчига натижага таъсир ўтказиш имконияти мавжудлигини англатади.
Амалдаги Туркия қонунчилигига биноан, профессионал спортчи ставка қилаётганда букмейкерларга ўз мақомини маълум қилиши шарт эди, бироқ футболчи буни бажармаган.
“Zamin”ни Telegram'да ўқинг!
