Франциянинг "Марсель" клуби шарафини ҳимоя қилаётган 24 ёшли ҳужумкор футболчи Мейсон Гринвуд жорий мавсум якунлангач, фаолиятини Саудия Арабистонида давом эттириши мумкин. Л'Еқуипе нашрининг хабар беришича, маҳаллий клублар инглиз футболчисини ўз сафига қўшиб олиш учун жиддий тайёргарлик кўрмоқда. Саудия Арабистони Про лигаси вакиллари жаҳон футболи юлдузларини жалб қилиш сиёсатини давом эттириб, Гринвуд учун катта маблағ ажратишга тайёр турибди.
Ҳозирча футболчига қайси клуб аниқ қизиқиш билдираётгани маълум эмас. Бироқ, Гринвуднинг "Марсель"даги муваффақиятли ўйинлари сабабли унинг атрофидаги вазиятни Англия ва Испаниянинг етакчи жамоалари ҳам диққат билан кузатиб бормоқда. "Манчестер Юнайтед" академияси тарбияланувчиси бўлган футболчи 2024 йилда 26 миллион евро эвазига француз клубига ўтган эди.
Жорий мавсумда Мейсон Гринвуд ўзини кўрсатишга муваффақ бўлди. У "Марсель" сафида 37 та учрашувда майдонга тушиб, 25 та гол урди ва 8 та голли узатмани амалга оширди. Футболчининг клуб билан амалдаги шартномаси 2029 йилнинг ёзига қадар мўлжалланган. Трансфермаркт портали маълумотларига кўра, унинг ҳозирги бозор қиймати 50 миллион еврони ташкил этади. Келажакда футболчи қайси йўналишни танлаши яқин ойларда ойдинлашади.
“Zamin”ни Telegram'да ўқинг!
