Германия терма жамоаси бош мураббийи Юлиан Нагельсманн АҚШ, Канада ва Мекцикада бўлиб ўтадиган Жаҳон чемпионати учун якуний таркибни эълон қилди. Кутилмаганда, 1. ФК Кёлн ҳужумчиси Саид Эл Мала ва Бавария иқтидорли футболчиси Леннарт Карл терма жамоа рўйхатига киритилди. Бу ҳақда Goal.com хабар беради.
Саид Эл Мала учун бу чақирув катта муваффақият бўлди. Мавсум давомида Бундеслигада 13 та гол ва 5 та голли узатмага муаллифлик қилган 19 ёшли футболчи, дастлаб мураббийнинг танқидига учраган эди. Нагельсманн март ойида ҳужумчининг ҳимоядаги ҳаракатлари ва ўйин амалиёти етарли эмаслигини таъкидлаб, уни таркибга жалб қилмаганди.
Бироқ, Лукас Квасниок истеъфога чиқиб, Рене Вагнер бош мураббий этиб тайинланганидан сўнг, Эл Маланинг ўйини тубдан ўзгарди. У доимий равишда асосий таркибда майдонга тушиб, Германия У21 терма жамоаси сафида ҳам ўзини кўрсатди. Айниқса, Грецияга қарши Европа чемпионати саралаш баҳсидаги голи унинг руҳий ҳолати ва маҳоратини намойиш этди.
Нагельсманн ўз қарорини қайта кўриб чиқиб, ёш футболчининг ўсишини эътироф этди. Эндиликда Саид Эл Мала Жаҳон чемпионати каби нуфузли турнирда ўзини кўрсатиш имкониятига эга бўлди. Бу қарор Германия футбол жамоатчилиги томонидан ижобий қабул қилинди.
“Zamin”ни Telegram'да ўқинг!
