«Бунёдкор» стадионида Ўзбекистон — Португалия баҳси учун кириш бепул бўлади

23 июн куни Ўзбекистон ва Португалия терма жамоалари ўртасидаги учрашув «Бунёдкор» стадионига ўрнатилган катта экранда жонли намойиш этилади. Ўйин Тошкент вақти билан соат 22:00 да бошланади.

Шу куни стадионда мухлислар учун қўшимча тадбир ҳам ташкил этилади. Соат 19:30 да ёшлар футбол фестивали ўтказилиши режалаштирилган.

Ташкилотчилар стадионга келмоқчи бўлган мухлисларга эртароқ етиб келишни тавсия қилмоқда. Учрашув намойиши ва фестивалга кириш мутлақо бепул бўлади.