Диққат, футболчи қидирилмоқда

Фаолияти давомида Англиянинг “Лидс”, “Уотфорд” ва “Бёрнли” клублари сафида тўп тепган Кларк Карлайл Буюк Британия полицияси томонидан қидирилмоқда.

Тўрт йил аввал фаолиятини якунлаган футболчининг йўқолганлиги ҳақида матбуотга турмуш ўртоғи Керри Карлайл маълум қилган.

Карри Карлайл, ижтимоий тармоқдаги саҳифасига Кларк Карлайлнинг суратини жойлаб, унинг остига “Кларкнинг сўнгги манзили Манчестер шаҳри бўлиши мумкин. Уни соат 06:00 да кўришган. Агар кимдир Карлайлни кўрган бўлса, илтимос биз билан боғлансин”, деб хабар ёзиб қолдирган.

Собиқ футболчи 2014 йилда руҳиятидаги ўзгаришлар боис шифохонада 6 ҳафта даволаниб чиққан. Аммо бутунлай бу дарддан халос бўлмаган чоғи, яқинда берган интервьюсида ҳали-ҳамон руҳий стреслар ичида яшаётганини айтиб ўтган.

Тахминларга кўра, Кларк хотирасини йўқотган бўлиши мумкин. «Замин»ни Telegram’да ўқинг!