17:00 / 09.11.2017
4 080

Карлес Пуйоль: "Юртингиз менга жуда ёқади, халқингиз меҳмондўст"

Карлес Пуйоль: "Юртингиз менга жуда ёқади, халқингиз меҳмондўст"
Пойтахтимиздаги “Hyatt Regency” меҳмонхонасида футбол бўйича Европа ва жаҳон чемпиони, испаниялик таниқли спортчи Карлес Пуйоль иштирокида матбуот анжумани ташкил этилди.
Анжуманда Ўзбекистон футбол федерацияси аъзолари, ёш футболчилар, мухлислар ҳамда оммавий ахборот воситалари ходимлари иштирок этди.

Ўзбекистон футбол федерацияси томонидан миллионлар ўйини –футболни янада оммалаштириш ва мазкур спорт тури билан шуғулланувчиларнинг маҳоратини ошириш мақсадида қатор лойиҳалар амалга оширилмоқда.

Ана шундай тадбирлардан бири футбол юлдузи Карлес Пуйолнинг Тошкентга келишидир.

– Ўзбекистонга иккинчи маротаба келишим, – дейди Карлос Пуйоль. – Юртингиз менга жуда ёқади, халқингиз меҳмондўст.

Тунда келишимга қарамай тантанали кутиб олишганини кўриб, қувондим. Мамлакатингизда сўнгги йилларда спорт жадал ривожланаётгани ва спортчиларингиз эришаётган юксак ғалабалардан хабардорман.

Илк маротаба келганимга қарийб ўн йил бўлди. Ўтган вақт ичида пойтахтингиз таниб бўлмас даражада ўзгаргани ҳавасимни келтирди.

К.Пуйоль ташрифи доирасида пойтахтимиздаги футбол академияларида шуғулланаётган ёш спортчиларга маҳорат сабоқлари ўтказади.

Шунингдек, Ўзбекистон чемпионати олий лигаси 28-тури доирасидаги “Пахтакор” ва “Олмалиқ” жамоалари ўртасидаги баҳсни кузатади.

Манба: www.uza.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Карлес Пуйоль: "Юртингиз менга жуда ёқади, халқингиз меҳмондўст"