Нивалдо «Қўқон-1912» ўйинидаги ирқчилик бўлгани бўйича ЎФАга шикоят ёзди

1 дақиқа ўқиш3.8K
Нивалдо «Қўқон-1912» ўйинидаги ирқчилик бўлгани бўйича ЎФАга шикоят ёзди
Суперлига 5-тури доирасида бўлиб ўтган "Локомотив" - "Қўқон-1912" ўйинида мезбонлар ҳужумчиси Нивалдо ва қўқонликлар дарвозабони Ўткир Юсупов ўртасида келишмовчилик келиб чиққан эди.

Бразилиялик ҳужумчи учрашувнинг 89-дақиқасида майдондан четлатилди. Аммо Нивалдо майдондан чиқиб кетиш олдидан қўқонликлар дарвозабони Ўткир Юсуповга бош билан зарба берди. ЎФА бу борада қарор қабул қилди ва ҳужумчини бешта ўйинга четлатган.

Uff.uz нашри бўлиб ўтган воқеа юзасидан Нивалдо билан боғланди ва унинг фикрини ўрганди.

"Мен футболчилик фаолиятим давомида ҳали ҳеч қачон бундай ирқий камситишга учрамаган эдим. Учрашув давомида рақиб футболчиси ("Қўқон-1912" клубининг сербиялик ҳимоячиси Марко Милич назарда тутилмоқда - Uff.uz изоҳи) мени ҳақорат қилиб борди. Охир-оқибат ўзимни тутиб тура олмадим ва унга жавоб қайтариб, қизил карточка олдим.

Шундан сўнг рақиб дарвозабони ҳам менга ҳақоратли муносабатда бўлди. Бу сафар ҳам ўзимни тутиб тура олмадим ва унга нисбатан ҳам куч ишлатдим. Тўғри, бу менинг айбим. Ўзимни босиб олишим керак эди. Аммо очиғини айтсам, фаолиятимда биринчи марта шундай ҳолатга тушяпман. Бунга қадар ҳеч қачон бундай ҳақоратларни эшитмаганман", - дейди Нивалдо.

Uff.uz'га маълум қилинишича, бразилиялик ҳужумчи ўйиндан сўнг ЎФА номига шикоят хати ёзган ва унда "Қўқон-1912" ҳимоячиси Марко Милич ва дарвозабон Ўткир Юсупов томонидан ирқий камситишларга йўл қўйилгани айтилган. Шу билан бирга Нивалдо ЎФА томонидан тегишли чора кўрилмаган тақдирда ФИФАга мурожаат қилишини ҳам билдириб ўтган.

Аммо "Локомотив" - "Қўқон-1912" (1:1) ўйинини бошқариб борган ҳакам Валентин Коваленко ўйин ҳисоботида Нивалдога нисбатан бўлган ҳақоратларни қайд этмагани айтилмоқда. Бу вазият юзасидан ЎФА қандай қарор қабул қилиши ҳозирча маълум эмас.

Фото манбаси: lokomotiv.uz

Манба: www.uff.uz
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?