Биласиз, Ўзбекистон Профессионал футбол лигаси мавсум бошидан буён championat.asia билан ойнинг энг яхшиларини аниқлаб келмоқда.
Мазкур сўровномада Суперлиганинг 12 та клуби бош мураббийлари ва сардорлари иштирок этди. Мухлислар овози эса ПФЛ расмий сайтида ўтказилган сўровнома орқали қабул қилинди.
Биласиз, июнь-июль ойларида Россия яшил майдонларида Жаҳон чемпионати-2018 бўлиб ўтди. Шу сабабдан Суперлигада қисқа танаффус юзага келди ва июнь ойида фақатгина битта тур ўйини ташкил этилди. Шуни инобатга олиб, июнь ва июль ойлари учун битта сўровнома ташкил қилишга қарор қилинди. Зеро битта тур натижалари инобатга олиниб, июнь ойининг энг яхшилари аниқланиши бироз ножоиз бўлар эди. Шу тариқа бу сафар июнь ойидаги битта тур ва июлдаги 5 та тур учрашувлари якунларига кўра энг яхшилар аниқланди.
Ортда қолган 6 та тур доирасидан ўрин олган учрашувларда бир қатор чиройли голлар киритилди. Бир қанча футболчилар рақиб дарвозасини чиройли тарзда ишғол этиб, мухлис-у мутахассислар олқишларига сазовор бўлишди. Улар ичидан 6 та саралаб олинган номзодларга Суперлига клублари бош мураббийлари, сардорлари ҳамда ПФЛ сайтида мухлислар овоз беришди. Июль ойининг энг чиройли голи дея эътироф этилиш учун кураш анча қизғин тарзда кечди.
Якунда Шерзод Ҳакимов томонидан “Бунёдкор” дарвозасига киритилган гол 1-ўринни эгаллади. Мураббийлар ва сардорларнинг 8 нафари Ҳакимовнинг голини 1-поғонага лойиқ кўрди. Шунингдек, мухлислар ўртасида ташкил этилган сўровномада ҳам Шерзод Ҳакимов энг кўп овоз йиғди.
Иккинчи поғона эса Жавлон Иброҳимовга насиб этди. Унинг “Нефтчи” дарвозасига киритган голи жами 33 очко жамғарди. Учинчи ўрин эса Владимир Козакни 1 очкога ортда қолдирган Сардор Рашидовга насиб этди.
Таъкидлаш жоиз, март ойида энг чиройли гол муаллифи дея Азиз Турғунбоев эътироф этилган эди. Апрелда Элгужа Григалашвили, майда эса Арслонмурод Омонов ойнинг энг чиройли голларига муаллифлик қилишганди.
[media=https://youtu.be/Hplkb7TZxRE] “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Дунёдаги энг бой араб шайхининг рафиқаси қандай кўринишга эга?
Тадбиркорларга қўлланадиган молиявий жарима камайтирилади
Нега Трамп Зеленскийни ёмон кўради?
Зеленский: Россия Украинанинг иссиқлик энергетикасини деярли тўлиқ яксон қилди
