Профессионал бокснинг биринчи ярим енгил (-55,34 кг) вазн тоифасида рингга чиқаётган ўзбекистонлик Муроджон Аҳмадалиев (5-0, 4КО) WBA жаҳон чемпионлиги учун рингга чиқиши кутилмоқда.
GoSport.uz нашри маълум қилишича, Муроджон Аҳмадалиевнинг промоутерлари у ва мазкур йўналиш бўйича чемпион, америкалик Даниэл Роман (26-2-1, 10 КО) ўртасида жанг ташкил этиш бўйича музокаралар олиб бормоқда. Жанг бўйича келишув учун сўнгги муддат 6 февралгача деб белгилаб қўйилган. Агар томонлар 48 соат давомида келиша олишмаса, WBA штаб-квартираси саналган Панамада жангни ташкил қилиш учун очиқ савдо бошланади.
Савдонинг биринчи шарти жанг мукофот жамғармасининг минимал қиймати 120 минг долларни ташкил этиши керак бўлади. Бунда амалдаги чемпион соврин жамғармасининг 75 фоизини қўлга киритса, даъвогар 25 фоиз пулга эгалик қилади. Бу дегани жанг ташкил қилинса, Муроджон Аҳмадалиев энг камида 31 250 доллар миқдорида мукофотга эга бўлади.
«Роман билан бўлажак жанг музокаралари қандай тус олади, ҳозирча бирор нарса дея олмайман. Масалан Роман жангни бошқа муддатга кечиктириш учун, бошқа жангни танлаши мумкин, ёки бошқа йўналиш чемпионлари билан камарларни бирлаштирувчи жанг ўтказишни истаб қолиши мумкин.
Аммо, биз айнан мана шу йилда Муроджон титул жанги учун рингга чиқишига умид қилмоқдамиз. Музокаралар давом этяпти. Маълум сабаблар билан бу жанг кечикиши мумкин. Лекин, энг асосий мақсадимиз — шу йил Муроджоннинг титул учун жанг қилиши», дея «Мир бокса» промоутерлик компанияси менежери Вадим Корниловнинг сўзларини келтирмоқда GoSport.uz.
Эслатиб ўтамиз, Муроджон Аҳмадалиев WBA Intercontinental чемпионлик камари соҳиби саналади. У сўнгги марта 2018 йил 24 ноябрь куни Айзек Саратени (16-4-3, 2КО) 9-раундда техник нокаут эвазига мағлубиятга учратганди. Шу жангдан сўнг у рейтингда биринчи ўринга кўтарилиб олган. Февраль ойидаги рейтингда ҳам у биринчи ўринда кўрсатилган, у Роман билан титул жанги учун биринчи рақамли даъвогар номини сақлаб қолган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Тошкентда вояга етмаган қизга шилқимлик қилган йигитга суд ҳукми ўқилди
Германияда Геббелснинг вилласи исталган одамга бериб юборилиши эълон қилинди
U-23 Осиё кубоги. Ироқ 3-ўринни ва Париж Олимпиадаси йўлланмасини қўлга киритди
“От айланиб қозиғини топади” дейишарди, мен “қозиғимни” тополмадим (Ҳаётий ҳикоя)
Индонезия устидан иродали ғалабани қўлга киритган Ироқ Олимпиада лицензиясига эга чиқди (видео)
Сурхондарёда дунёдаги энг катта сўзана тикилди
АҚШда оғир-босиқлиги билан машҳур бўлган аллигатор ўғирлаб кетилди (фото)
