09:52 / 21.02.2019
4 175

«Ювентус» Мадридда «Атлетико»дан мағлубиятга учради

«Ювентус» Мадридда «Атлетико»дан мағлубиятга учради
Европа Чемпионлар лигасининг 1/8 финал босқичи илк баҳсидан ўрин олган «Атлетико» – «Ювентус» учрашуви ўз якунига етди. «Ванда Метрополитано» стадионида бўлиб ўтган баҳсда мезбонлар ишончли ғалабани қўлга киритишди.

Ўйин кескин курашлар остида бошланди ва биринчи бўлимда устунлик туринликлар томонида бўлди. Аммо танаффусдан сўнг мезбонлар вазиятни ўзгартиришди. Тайм ўрталарида Альваро Мората гол уришга эришди, бироқ видеотакрорлардан сўнг ушбу гол бекор қилинди.
78-дақиқада мадридликлар стандарт вазиятни голга айлантиришди, бурчак зарбасидан сўнг Хосе Хименес рақиб ҳимоясидаги тартибсизликдан унумли фойдаланиб ҳисобни очди.

Орадан кўп вақт ўтмай мезбонлар яна стандарт вазиятдан унумли фойдаланишди. Диего Годин жарима майдонига узатилган тўпни икинчи уринишда дарвозага жойлаб қўйди. Қолган вақтда меҳмонлар ҳарчанд уринишмасин ҳисобни қисқартира олишмади.
Шу тариқа, «Атлетико» жавоб ўйини олдидан ўзи учун жуда қулай ҳисобни қайд этди. Ушбу жамоалар ўртасидаги жавоб ўйини 12 март куни бўлиб ўтади.

Чемпионлар лигаси
1/8 финал, илк ўйин
Атлетико Испания – Ювентус Италия 2:0 (0:0, 2:0)
Голлар:
1:0 – 78 Хименес, 2:0 – 83 Годин.

Атлетико – Облак, Хименес, Филипе Луис, Хуанфран, Годин, Сауль, Парти (Лемар, 61), Родри Эрнандес, Коке (Корреа, 67), Гризманн, Диего Коста (Мората, 58).
Ювентус – Шченсни, Бонуччи, Алекс Сандро, Де Шильо, Кьеллини, Бентанкур, Пьянич (Джан, 73), Матюиди (Жоау Канселу, 84), Роналду, Дибала (Бернардески, 80), Манджукич.
Огоҳлантиришлар: Диего Коста (8), Парти (45), Алекс Сандро (55), Гризманн (89).

Манба: www.uff.uz

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » «Ювентус» Мадридда «Атлетико»дан мағлубиятга учради