УЕФА Чемпионлар Лигасида чорак финалнинг биринчи ўйинлари ўтказилди. Унда Англиянинг икки жамоаси «Тоттенҳэм» ва «Ливерпуль» ғалаба қозонди ва ярим финал учун илк қадамни ташлади. «Ливерпуль» чорак финалниннг биринчи ўйинида «Порту»ни қабул қилиб 2:0 ҳисобида ғалаба қозонди. 5-дақиқадаёқ Наби Кейта ҳисобни очганди. 26-дақиқада Роберто Фирмино ҳам битта гол уриб, фарқни иккитага оширди.
«Тоттенҳэм» эса ўз майдонида Англиянинг бошқа бир жамоаси «Манчестер Сити»ни қабул қилди ва 1:0 ҳисобида ғалаба қозонди. Ўйиннинг биринчи бўлимида «Сити» етакчиси Серхио Агуэро пенальтидан гол ура олмади. Уго Льорис ҳужумчининг зарбасини қайтарди.
Иккинчи бўлимда «Тоттенҳэм» таркибида иккита жиддий йўқотиш кузатилди. Аввалига Фабиан Делф билан тўқнашиб кетган Харри Кейн, кейинроқ Деле Алли жароҳат олиб, майдонни тарк этишди. Шундай бўлса-да, Почеттино шогирдлари ўйинни ғалабагача олиб боришди. 78-дақиқада жарима майдончасида охиригача курашган Сон Хён Мин ҳимоячиларни алдаб, чиройли гол урди ва жамоасига ғалаба келтирди.
ЛИВЕРПУЛЬ – ПОРТУ 2:0
Голлар: Кейта (5), Фирмино (26).
Ливерпуль: Алиссон, ван Дейк, Ловрен, Александер-Арнолд, Ҳендерсон, Милнер, Кейта, Фабиньо, Мане (Ориги, 73), Салоҳ, Фирмино (Старриж, 82).
Порту: Касильяс, Фелипе, Теллес, Макси Перейра (Фернандо, 77), Эдер Милитао, Оливер Торрес (Бруну Кошта, 73), Данилу Перейра, Марега, Отавио, Корона, Соарес (Браими, 62).
Огоҳлантиришлар: Соареш (17), Фелипе (61).
ТОТТЕНҲЭМ – МАНЧЕСТЕР СИТИ 1:0
Гол: Сон Хён Мин (78).
Тоттенҳэм: Льорис, Алдервейрелд, Роуз, Триппьер, Вертонген, Эриксен, Уинкс (Ваньяма, 81), Алли (Льоренте, 87), Сиссоко, Кейн (Лукас Моура, 58), Сон Хён Мин.
Манчестер Сити: Эдерсон, Лапорт, Отаменди, Уокер, Делф, Сильва (де Брюйне, 89), Фернандиньо, Марез (Сане, 89), Гюндоган, Стерлинг, Агуэро (Габриэл Жезус, 71).
Огоҳлантиришлар: Роуз (12), Лапорт (28), Марез (59). “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россияда америкалик аскар ўғриликда айбланиб қўлга олинди
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
ОАВ: Марказий Осиё давлатлари дронлар билан қуролланмоқда
Освенцимда минглаб яҳудийлар «Тириклар марши» акциясини ўтказди
Бекхэм Роналдуни “Интер Майами”га олиб келиш бўйича иш бошлади
Президент Евросиё иқтисодий иттифоқи органлари билан қатор йўналишларда ҳамкорликни кенгайтириш зарурлигини айтди
Лавров: “АҚШдаги демократлар ва республикачилар Россияни душман деб билади”
Бразилияда сув тошқинлари: қурбонлар сони 75 кишига етди