Исроил Мадримовнинг навбатдаги жанги санаси маълум бўлди

  • 27 май 2019, 16:01
  • 1 037
  • Спорт
  • Исроил Мадримовнинг навбатдаги жанги санаси маълум бўлди
    Профессионал бокснинг супер ярим ўрта (-69,85 кг) вазн тоифаси вакили Исроил Мадримов (2 та ғалаба, 2 та нокаут) 8 июнь куни ўзининг учинчи жангини ўтказади. Бу ҳақда GoSport хабар берди.

    Мазкур жанг Нью-Йоркдаги машҳур Madison Square Garden аренасида бўлиб ўтади. Ҳозирча унинг рақиби номаълум. Исроил шу куни ўзининг WBA Intercontinental чемпионлик камарини ҳимоя қилади.

    Мазкур бокс оқшомининг марказий жангида қозоғистонлик афсонавий боксчи, 4 та йўналиш бўйича собиқ жаҳон чемпиони Геннадий Головкин (38 та ғалаба, 1 та дуранг, 1 та мағлубият, 34 та нокаут) рингга чиқади. Головкин шу куни канадалик Стив Роллсга (19 та ғалаба, 10 та нокаут) қарши рингга чиқади. Жанг DAZN интернет-платформаси орқали трансляция қилинади.

    Эслатиб ўтамиз, Исроил Мадримов профессионал боксда сўнгги марта 9 март куни венесуэлалик Франк Рохасга қарши рингга чиқиб, рақибини нокаутга учратганди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Исроил Мадримовнинг навбатдаги жанги санаси маълум бўлди