Спортчи югуришдан тўхтаб, жароҳат олган рақибини маррагача олиб борди (видео)

  • 15 сентябрь 2019, 10:43
  • 771
  • Спорт
  • Спортчи югуришдан тўхтаб, жароҳат олган рақибини маррагача олиб борди (видео)
    Таиландда югуриш бўйича мусобақада енгил атлетикачи жароҳат олган рақибини маррагача олиб борди. Ижтимоий тармоқлар фойдаланувчилари унинг бу олижаноб ишини юқори баҳолашди.
    Видео CGTN телеканалининг YouTube-каналида эълон қилинди.

    Воқеа Бангкокда ўтган Thailand Championship мусобақасида юз берган. Спортчилар 10 км масофага югуриш бўйича мусобақалашишган.

    Видеода спортчилардан бири финиш чизиғи олдида оёғини жароҳатлаб олгани ва ҳаттоки ўрнидан тура олмаётганини кўриш мумкин. Шунда бошқа спортчи югуришдан тўхтаб, рақиби ёнига келиб, унга кўтарилишга ёрдам берган. У жароҳат олган спортчини қўлтиқлаб, маррагача олиб бораётганда бошқа спортчилар ҳам ёрдамга келишган.

    “Бу одам ўз уринишини бой беришини ва бу кейинчалик унинг фаолиятига таъсир қилишини била туриб, бир сонияга ҳам иккиланмади”, деб ёзган видео муаллифи ўз изоҳида.
    Спортчининг бу ишини кўплаб фойдаланувчилар олқишлашган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Спортчи югуришдан тўхтаб, жароҳат олган рақибини маррагача олиб борди (видео)