22:30 / 19.05.2020
1 426

Ҳасанбой Дўсматов ҳиндистонлик боксчига қандай жавоб қайтарди?

Ҳасанбой Дўсматов ҳиндистонлик боксчига қандай жавоб қайтарди?

Хабарингиз бор, ҳиндистонлик машҳур боксчи Амит Пангал билан сайтимиз учун махсус интервью уюштирган эдик. Мазкур суҳбат чоғида ҳинд спортчиси ўз вақтида рингдаги принципиал рақиби бўлган, ҳамюртимиз Ҳасанбой Дўсматовни жуда ҳурмат қилишини ҳамда ўз тўйига таклиф этишини айтиб ўтганди. Ўз ўрнида ушбу таклифни боксчимизнинг шахсан ўзига етказишимизни ҳам илтимос қилганди. Биз мазкур “омонат”ни ўз эгасига етказиш баробарида Ҳасанбойнинг ушбу таклифга бўлган муносабати билан ҳам қизиқдик.

- Тўғриси, интервьюни ҳам ўқиб чиқдим. Амитнинг бундай эътиборидан жуда хурсанд бўлдим. Instagram саҳифамга ҳам ёзган экан. Ўз ўрнида мен ҳам уни жуда ҳурмат қиламан. Ажойиб инсон ва кучли боксчи. Бир-икки бор суҳбатлашганмизнинг ўзидаёқ унинг қувноқ самимий инсон эканлигини англаганман. Юксак эҳтиром кўрсатиб, таклиф қилган экан, боришга ҳаракат қиламан. Ҳозирча тўйининг қачон бўлиши номаълум шекилли... Агар, карантиндан сўнг, жангимга яқин санада бўлмаса, албатта, бораман!, - дейди Ҳасанбой Дўсматов.

Ҳасанбой Дўсматов Амит Пангал
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)