Криштиану Роналдунинг голларига энг кўп ассистентлик қилган футболчи маълум бўлди

^{Фото: Twitter}
«Реал» ҳужумчиси Карим Бензема собиқ жамоадоши «Ювентус» форварди Криштиану Роналдуга энг кўп ассистентлик қилган футболчилар рўйхатида биринчи ўринни эгаллади.

Transfermarkt порталига кўра, Бензема Роналду «Реал»да ўйнаган вақтида унга 76 марта ассистентлик қилган.
Иккинчи ўринни 41 ассист билан Гарет Бэйл эгаллади. Кучли учликни эса Месут Ўзил (38) якунлаб берди.

Бешинчи ўриндан Гонсало Игуаин (32) жой олган, у Криштиану билан аввалроқ «Реал»да, ҳозирда эса «Ювентус»да бирга тўп сурмоқда. Роналдунинг Мадрид клубида бирга ўйнамаган энг яхши ассистенти «Манчестер Юнайтед» собиқ ҳужумчиси Уэйн Руни (25) саналади.

Криштиану Роналдунинг «Реал» сафида жарима зарбасидан урган барча голларини томоша қилинг (видео)
Роналдуга энг кўп ассистентлик қилган футболчилар топ-10 лиги:

1. Карим Бензема — 76 та ассист
2. Гарет Бэйл — 41
3. Месут Ўзил — 38
4. Марсело — 33
5. Гонсало Игуаин — 32
6. Анхель ди Мария — 28
7. Уэйн Руни — 25
8. Иско — 24
9. Райан Гиггз — 23
10. Кака — 21.

Эслатиб ўтамиз, аввалроқ 35 ёшли Роналду расмий ўйинлардаги голлари сонини 735 тага етказиб, бразилиялик Ромариони (734) ортда қолдирганди. Ундан олдинда фақатгина афсонавий Пеле (767) бормоқда. «Замин» янгиликларини «Вконтакти»да кузатиб боринг