Луис Суарес: Месси билан дўстлигимиз «Барселона» раҳбариятига ёқмасди

^{Фото: Getty Images}
«Барселона» собиқ ҳужумчиси Луис Суарес Лионель Месси билан дўстлиги ва бунга каталон клуби раҳбариятининг муносабати ҳақида гапирди.

- "Ўйлашимча, улар бизни айиришни хоҳлади. Балки, дўстлигимиз уларни хавотирга солгандир, раҳбарият кўп вақтни бирга ўтказишимизни истамасди. Бироқ нима сабаб улар бизнинг дўстлигимиз жамоага халал беради деб ўйлагани менга қоронғи.

Албатта, менга Лео етишмаяпти, бироқ замонавий технологиялар орқали мунтазам мулоқотда бўлиб турибмиз. Биз ўзаро дўстлигимизни қадрлаймиз.

Умумий жиҳатларимиз кўп. Эрталаблари биргаликда машғулотга борардик, бирга чойхўрлик қилишни ёқтирардик. Фарзандларимиз ҳам ўзаро дўстлашган, оилаларимиз орасида қалин ришта бор", - дейди «Атлетико» футболчиси Луис Суарес.

Эслатиб ўтамиз, «Барселона» сентябрь ойида уругвайлик футболчини «Атлетико» сафига қўйиб юборди. Аввалроқ Лео Месси каталон клубининг ушбу қарорига ўз муносабатини билдирганди.
“Замин” янгиликларини “Youtube”да кузатиб боринг