Шомуродовнинг жамоасига Голландия терма жамоаси футболчиси келмоқда

Голландиялик ярим ҳимоячи Кевин Стротман “Марсель”ни тарк этиши ва Италия А Сериясига қайтиши мумкин. La Gazzetta dello Sport нашри тарқатган хабарга қараганда, 30 ёшли тажрибали футболчининг хизматларига “Женоа”да қизиқиш пайдо бўлган.

Стротман 11 январь куни ҳамюртимиз Элдор Шомуродов тўп сураётган жамоа сафида тиббий кўрикдан ўтади ва шартнома имзолайди.

Кевин Стротман жорий мавсум Франция чемпионатида 10 та ўйинда майдонга тушди ва 2 та сариқ карточка олди.
Эслатиб ўтамиз, Стротман учун А Серия бегона эмас. У "Марсель"га ўтишдан олдин "Рома" шарафини ҳимоя қилган.