Бугун тунда Италия кубоги нимчорак финали доирасида “Ювентус” ўз майдонида “Женоа” футболчиларини қабул қилади. “Женоа”га янги бош мураббий – Давиде Баллардини келиши билан жамоа ўйинидаги ўзгаришларни ҳис қилган генуялик мухлислар бугунги ўйинда ўз футболчиларидан ижобий натижа умид қилмоқда. Улар жамоа муваффақиятини таъминлашда асосий ролни Элдор Шомуродов бажаришига ишонч билдиряпти.
Эътиборингизга италияликларнинг “Ювентус”га қарши учрашув олдидан Элдор Шомуродов борасида билдирган фикр-мулоҳазаларини ҳавола қиламиз.
Andrea Mattia:
Албатта, “Ювентус” жуда кучли. Лекин уларга гол уриш мумкин. Айниқса, жамоангда Элдор Шомуродов ва Маттиа Дестро сингари зўр ҳужумчилар бўлса!
Daniele De Falco:
Агар Шомуродов “Ювентус”га гол урса, мен Римга бориб, Ўзбекистон элчихонасига учрайман ва шундай футболчи учун уларга миннатдорлик билдириб келаман.
Enrico Nenci:
Шомуродов “Ювентус”га ўтиши мумкинлиги ҳақида хабарлар тарқалди. Мана энди туринликларга қарши ўйинда ўзини кўрсатиш вақти ҳам келди.
Alessandro Bruno:
Охирги учта учрашувда Элдор голли вазиятларда бевосита иштирок этди. “Ювентус” билан бўладиган ўйинда ҳам бу ҳолат такрорланишини хоҳлаймиз.
Diego Canali:
Дастлабки ойларда Шомуродов ҳақидаги мақтовларни истеҳзо билан ўқирдим. Мен уларни ўзбеклар ўз футболчисини қўллаб-қувватлаш учун фейсбук саҳифасига жойлаяпти, деб ўйлардим. Ҳозир эса, ўзим ҳам Элдорга жуда қаттиқ ишоняпман. У ҳақиқатан яхши футболчи экан.
Marchino Maz:
“Ювентус”га қарши ўтган ўйинда Шомуродов Роналдудан тўпни олиб қўйгани ўша учрашувнинг энг ёрқин вазияти бўлган эди. Бугун ҳам ўзбек футболчиси Роналдуни тўхтатиб қолишига умид қиламиз.
Andrea Vitello:
Зўр ўйин кутяпман. Бугун ютқазишимиз мумкин, лекин учрашув муросасиз ўтади. “Ювентус”да Криштиану учта гол урса, бизда Шомуродов ва Дестро дарвозани ишғол қилади.
Massimo Papini:
Ўзбек ҳужумчиси бу басҳда бошқача иштиёқ билан ўйнайди. Элдор “Ювентус”га ўтиши мумкин. Бўлажак тўқнашувда у Андреа Пирлога Альваро Моратадан кучлироқ эканини кўрсатиб қўйиши керак. Пирло уни трансфер қилишини сўрасин!
“Ювентус” – “Женоа” учрашуви Тошкент вақти билан 00:45 да бошланади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия армияси Купянскка киргани айтилмоқда
Эрдўғон Туркия Исроил билан алоқаларини узганини маълум қилди
НАТО бош котиби Украинанинг фронтдаги аҳволи ёмонлашганини тан олди
АҚШ ҳарбийлари орасида ўз жонига қасд қилиш кўпайди
Боррел ЕИнинг Исроил билан мулоқотини тўхтатишни таклиф қилди
Рақобат қўмитаси биржада Аи-80 бензини бошланғич нархига чеклов ўрнатди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
АҚШ Исроилнинг икки вазирига санкция қўлламоқчи
