19:20 / 13.02.2021
1 209

Бектемир Мелиқўзиев 14 февраль тонгида америкалик боксчига қарши жанг қилади

Бектемир Мелиқўзиев 14 февраль тонгида америкалик боксчига қарши жанг қилади
Фото: Instagram
Профессионал бокснинг супер ўрта вазн (-76,2 кг) тоифасида рингга чиқаётган ўзбекистонлик Бектемир Мелиқўзиев (6-0, 5 КО) 14 февраль, якшанба тонгида ўзининг навбатдаги жангини ўтказади.

АҚШда бўлиб ўтадиган ушбу жангда Бектемирга мезбон спортчи Морган Фитч (19-4-1, 8 КО) рақиблик қилади. Жанг 8 раунддан иборат бўлади.
Бокс кечаси Тошкент вақти билан 05:00 да бошланади. Мусобақа Ўзбекистон телеканаллари орқали эфирга узатилмайди.

Эслатиб ўтамиз, мазкур мусобақада яна бир ўзбекистонлик боксчи Элнур Абдураимов ҳам жанг қилиши белгиланганди. Бироқ унинг рақиби Дейви Хулио белгиланган муддатга қадар комиссия тасдиғидан ўта олмагани боис жанг бекор қилинган.

Калифорния штати, Индио шаҳридаги Fantasy Springs Resort Casino мажмуасида ташкил этиладиган бокс оқшомининг асосий жанги иккинчи ярим енгил вазн тоифаси (-58,9 кг) вакиллари Жозеф Диас (31-1, 15 КО) ҳамда асли тожикистонлик Шавкат Раҳимов (15-0, 12 КО) ўртасида кечади.

Эслатиб ўтамиз, Бектемир Мелиқўзиев аслида 30 январь куни ярим оғир вазн тоифасида WBA Super, IBF, WBO чемпионлик камарларининг собиқ соҳиби, россиялик Сергей Ковалёв (34-4-1, 29 КО) билан жанг қилиши лозим эди. Бироқ Ковалёвда допинг аниқлангани боис жанг бекор қилиганди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Бектемир Мелиқўзиев 14 февраль тонгида америкалик боксчига қарши жанг қилади