ОЧЛ—2021 гуруҳ босқичига мезбонлик қиладиган мамлакатлар маълум бўлди. «Пахтакор» БААда ўйнайди

^{Фото: ОФК}
Осиё футбол конфедерацияси (ОФК) марказлаш тизимда ўтказиладиган Осиё Чемпионлар Лигасининг гуруҳ босқич ўйинларига мезбонлик қиладиган мамлакатлар рўйхатини эълон қилди.

Унга кўра, «Пахтакор» ҳаракат қиладиган B гуруҳи ўйинлари БААнинг Шаржа шаҳрида бўлиб ўтади. ОКМК гуруҳ босқичига йўлланма оладиган бўлса, А гуруҳи вакиллари билан Саудия Арабистонининг Ар-Риёд шаҳрида ўйнайди.

Қуйидаги гуруҳ босқичига мезбонлик қиладиган шаҳарлар билан танишинг:

Ғарб минтақаси:
А гуруҳи — Ар-Риёд (Саудия Арабистон)
B гуруҳи — Шаржа (БАА)
C гуруҳи — Жидда (Саудия Арабистон)
D гуруҳи — Ар-Риёд (Саудия Арабистон)
E гуруҳи — Ҳиндистон

Шарқ минтақасида F, G ва J гуруҳларига Таиланд мезбонлик қилади. H ва I гуруҳларидаги вазият ҳали номаълум.

Эслатиб ўтамиз, «Пахтакор» B гуруҳида «Шаржа» (БАА) ва «Тракторсози»га (Эрон) қарши ўйнайди. Тўртинчи рақиб номи «Ал-Ваҳда» (Саудия Арабистони) — «Ал-Қува ал-Жавия» (Ироқ) плей-офф ўйинидан кейин маълум бўлади.

Маълумот учун, Ўзбекистон ОЧЛ мезбонлиги учун ариза топширмаган. Бироқ «Насаф» ва ОКМК ОФК Кубоги гуруҳ босқичини ўзида ўтказиш хоҳишини билдирган. “Замин” янгиликларини “Инстаграм”да кузатиб боринг