Ўзбекистон бокс бўйича катталар ўртасидаги ЖЧ—2023 мусобақасига мезбонлик қилади

^{Фото: Getty Images}
Ўзбекистон бокс бўйича катталар ўртасидаги 2023 йилги Жаҳон чемпионатига мезбонлик қилади.

Ўзбекистон бокс федерациясининг хабар қилишича, Тошкент бўлиб турган AIBA раҳбари Умар Кремлёв 2 апрель куни ўтказилган матбуот анжуманида бу ҳақда расман маълум қилган.

Маълумот учун, 2021 йилги Жаҳон чемпионатига Сербиянинг Белград шаҳри мезбонлик қилади.

2019 йилда эса мазкур мусобақа Россиянинг Екатеринбург шаҳрида бўлиб ўтганди. Ўзбекистонлик боксчилар ушбу мусобақада 3 та олтин, 1 та кумуш ва 1 та бронза медал билан умумжамоа ҳисобида биринчи ўринни қўлга киритганди. Шунингдек, Баҳодир Жалолов мусобақанинг энг яхши боксчиси деб топилганди. «Замин»ни Telegram’да ўқинг!