Римнинг "Рома" жамоаси бош мураббийи Жозе Моуриньони журналистлар жуда яхши кўради. Гапга уста, ҳазилкаш "беназир" ҳамкасбларимиз учун чинакам топилма! Португалиялик мутахассис "Сампдория" билан ўйиндан сўнг матбуот анжуманида ўзгача трюк намойиш этди.
Баҳс якунлангач, уюштирилган пресс-конференция чоғида журналистлардан бири нима учун Никола Дзаньоло майдонга тушмагани билан қизиқиб савол берди. Ўринли савол. Гап шундаки, италиялик ёш иқтидор эгаси сўнгги пайтларда "бўрилар" сафини тарк этиши мумкинлиги ҳақидаги хабарлар пайдо бўлган эди. Жамоа фанатлари Дзаньолони "чамадон" кайфияти, деб ҳисоблашмоқда. ОАВ бу билан қизиқиши табиий. Моуриньо эса бу саволга тайёрланганини намойиш этди. Журналист саволни йўллаб, ўрнига ўтиргач, Жозе қўлидаги қоғозни кўрсатди.
Қоғозда: "Дзаньоло - иккинчи савол", - деб ёзилган эди. Дарҳақиқат, матбуот анжуманидаги иккинчи савол италиялик футболчи борасида бўлди. Мураббий қоғоздаги ёзувни кўрсатгач, ўрнидан туриб уни савол йўллаган журналистга топширди. Шунга қарамай, мутахассис берилган саволга тўлиқ жавоб беришни унутгани йўқ.
"У пайшанба куни эрталаб терма жамоа ихтиёридан чиқиб клубга келди. Мушакларида оғриқ бор эканлигини айтди. Афсуски, футболчиларимизни терма жамоадаги фаолиятини бошқара олмаймиз. Натижада, уни машғулотлардан озод қилдик. Ҳеч қандай хавотирга ўрин йўқ. Агар Николо ўйнай олмаса, буни биринчи бўлиб менга айтади.
Очиғи, мендан буни сўрашингизни аввалдан сезган эдим. Хафа бўлманг. Аммо айтаман. Сизларни Аллегридан "нега Бернардески ўйнамади?", Инзагидан "Нега Эдин Жеко майдонда йўқ", - деб сўраганингизни кўрмадим. Мендан эса бирор-бир футболчи майдонга тушмаса, буни сабабини сўрайсизлар! Николо билан вазият жуда оддий. Уни тарифлашим шарт эмас, деб ҳисоблайман. Агар менга ишонмасангиз, уни ўзига қўнғироқ қилинг ва нима бўлгани билан қизиқинг. У сизга барча ҳақиқатни айтиб беради."
Бежизга, Жозени ўзгача мураббийлардан бири, деб таърифлашмайди. Қаҳрамонимиз ўзи иштирок этган барча тадбирларда ноодатий ёндашуви ва кескин фикрлари билан омма эътиборини ўзига қаратишга ўрганиб қолган. Унинг мураббийлик карьерасида бундай трюклар ҳали кўп бўлишига шубҳа йўқ. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
“Умра” зиёратига бориб келиш тартиби такомиллаштирилади
Жиззахда учта юк машинаси иштирокида ЙТҲ содир бўлди
“Рома” Шомуродов учун яна 8 миллион евро харажат қилади!
Ўзбекистон собиқ бош прокурорининг қидирувдаги ўғли Дубайда 7,9 млн долларлик кўчмас мулкка эгалик қилади
Украина президенти маҳбусларни сафарбар қилиш тўғрисидаги қонунни имзолади
Ўзбекистонликлар доимий яшаш учун кўпроқ қайси давлатларга кўчиб кетмоқда?
Шимолий Корея янги кўрсаткичларга эга баллистик ракетани синовдан ўтказди
