Telegram пулли бўлиши мумкин

^{Фото: «Global Look Press»}
Telegram мессенжерида пулли — Premium хизматлар пайдо бўлиши мумкин. Бу ҳақда The Verge хабар берди.

Премиал обуна ҳақидаги маълумотни iOS учун Telegram 8.7.2 бета-талқинида учратишган. Ҳозирча уни фаоллаштириб бўмайди.

Premium обуна кўп сонли рекациялар, ёрлиқлардан фойдаланиш имконини беради, жўнатилган стикерлар қабул қилувчининг бутун экранини эгаллайди ва ҳ.о.

Телеграмга обуна бўлиш нархи ҳозирча маълум эмас. Telegram компанияси вакилларидан расмий муносабат бўлгани йўқ.

2020 йили мессенжер асосчиси Павел Дуров иловада пулли обуна пайдо бўлишини айтганди. Ушбу чора Telegram мустақиллигини сақлаб қолишга хизмат қилади, деганди у. «Замин»ни Telegram’да ўқинг!