iPhone 18 нархи ошиши мумкин — Apple янги чипка ўтмоқда

Apple ўзининг янги iPhone 18 смартфонларида TSMC'нинг 2 нанометрли чипларини ишлатишни режалаштирмоқда, деб pepelac.news хабар берди.

Инсайдерлар ва таҳлилчиларга кўра, ушбу технология ишлаб чиқариш харажатларини оширади ва нархга таъсир қилади. Илгариги моделлар 5нмдан 3нмга ўтиш орқали 20% GPU, 10% CPU ва 2 баравар тезкор нейросетьга эришган. iPhone 17 учун Apple N3P деб номланган яхшиланган 3нм чипни қўллайди. iPhone 18 эса биринчи бўлиб 2нм билан чиқади.

TSMC 2025 йил охирида оммавий ишлаб чиқаришни бошлайди, Apple эса биринчи мижоз бўлади. Apple бу мақсадда икки янги фабрика қурмоқда.

Шу билан бирга, АҚШнинг электроника ва чипларга қўшган божлари ҳам нарх ошишига таъсир қилади. Натижада, iPhone 18 Apple тарихидаги энг қиммат смартфон бўлиши мумкин. «Замин»ни Telegram’да ўқинг!