Google таржимаси ҳар қандай қулоқчинда ишлайдиган давр бошланди

Google ўзининг «Таржимон» хизматини янада илғор даражага олиб чиқди: энди реал вақтда нутқни таржима қилиш функсияси исталган симсиз қулоқчинларда ишлайди. Бу борада Apple чекланган имкониятга эга — унда бу функция фақат AirPods’нинг учта моделида мавжуд.

Янги таржимон Гемини нейрон тармоғига асосланган бўлиб, 70 дан ортиқ тилларни, жумладан ўзбек тилини ҳам мукаммал тарзда қўллаб-қувватлайди. Энг қизиғи, система суҳбатдаги оҳанг ва интонацияни ҳам асраб қолади — таржима жонли ва табиий эшитилади.

Функсия айни пайтда АҚШ, Ҳиндистон ва Мексикада Android тизимида синовдан ўтмоқда. Компаниянинг айтишича, 2026 йилдан бошлаб у барча Android қурилмаларида оммавий ишга туширилади.