iPhone’ни қувватлантиришга қўйган америкалик учинчи даражали куйиш жароҳатини олди

Америкалик Вили Дей iPhone’ни қувватлантиришга қўйиб, ухлагани ётганидан сўнг учинчи даражали куйиш жароҳатини олди. Бу ҳақда «Корреспондент.net»га таяниб Дарё.уз хабар бермоқда.

Вили ток зарбаси ва бўйнида металл занжир келтириб чиқарган ачишишдан уйғониб кетди. У қўшимча кабелдан фойдалангани ва унга қувватлантириш вилкасини улагани билдирилмоқда.

Маълум бўлишича, унинг учи охиригача киритилмаган, металл занжир эса ўтказгич вазифасини бажарган.

Жабрдийдани кўздан кечирган шифокорлар унинг омади чопгани, ҳодиса аянчли хотима топган бўлиши мумкинлигини таъкидлади. «Замин»ни Telegram’да ўқинг!