Бойқўнғир космодромидан "Союз-5" ракетасининг илк синов парвози амалга оширилди
Бойқўнғир космодромидан "Союз-5" ракетасининг илк синов парвози муваффақиятли амалга оширилди. Қозоғистон бу билан космик давлатлар клубига кирди ва "Байтерек" лойиҳаси доирасида Россия билан ҳамкорликни кучайтирди. Ракета 65,2 метр баландликка эга бўлиб, 17 тонна юкни Ер атрофи орбитасига олиб чиқиш қобилиятига эга. Бу воқеа қозоқ космонавтикаси учун янги даврни бошлаб берди.
Қозоғистон ўрта тоифадаги "Союз-5" элтувчи ракетасининг учирилиши билан космик давлатлар клуби таркибига кирди. Бу ҳақда "Роскосмос" раҳбари Дмитрий Баканов ракета парвози вақтида маълум қилди. Бу ҳақда Ixbt.com хабар беради.
Қозоғистон Россиянинг "Байтерек" лойиҳаси бўйича ҳамкори ҳисобланади. Парвоздан олдин ушбу лойиҳа жиддий модернизация қилинди.
Дмитрий Баканов: "Улкан воқеа юз берди. Бу давлатлараро лойиҳадир.
Ракета президент топшириғига биноан яратилди ва муваффақиятли учирилди. Қозоғистонлик ҳамкорларимизни космик давлатлар клубига киргани билан табриклаймиз", деб таъкидлади.
Қозоғистон Рақамли ривожланиш вазирлиги "Союз-5" ракетасининг биринчи муваффақиятли парвозини қозоқ космонавтикасининг янги даври деб атади.
Эслатиб ўтамиз, 30 апрель куни Бойқўнғир майдонидан "Союз-5" ракетасининг биринчи синов парвози амалга оширилди. Ракетанинг биринчи ва иккинчи босқичлари штат режимида ишлади, макет Тинч океани акваториясига қулади.
"Союз-5" ракетасининг баландлиги 65,2 метргача, старт массаси эса 531 тоннани ташкил қилади. Унинг юк кўтариш қобилияти 17 тоннага тенг бўлиб, аппаратларни Ер атрофи орбитасига юқори аниқликда олиб чиқади.
Изоҳлар 0
…