Йирик мобил алоқа операторлари Москва аҳолисини 5-9 май кунлари мобил интернет ва SMS юборишда вақтинчалик чекловлар бўлиши мумкинлиги ҳақида огоҳлантирди. Хабарномалар 4 майдан бошлаб тарқатила бошланган. Бу ҳақда Ixbt.com хабар беради.
Ушбу чоралар байрам тадбирлари давомида хавфсизликни таъминлаш мақсадида кўрилмоқда. Операторлар чекловлар вақтинчалик эканлигини таъкидлаб, фуқароларга Wi-Fi ва VoLTE каби муқобил алоқа усулларидан фойдаланишни тавсия қилмоқда.
Россия президенти Владимир Путин аввалроқ йирик шаҳарлардаги интернет чекловлари хавфсизлик таҳдидларининг олдини олиш билан боғлиқлигини таъкидлаган эди. Унинг сўзларига кўра, аҳолини олдиндан хабардор қилиш махсус хизматлар ишига халақит бериши мумкин.
Шу билан бирга, фуқароларга бундай чекловларнинг натижалари ҳақида маълумот бериш зарурлиги ҳам қайд этилган. Ҳозирча алоқа хизматларидаги узилишлар фақат белгиланган байрам кунларида кузатилиши кутилмоқда.
“Zamin”ни Telegram'да ўқинг!
