Россиянинг «Ростелеком» алоқа оператори Москвадаги абонентларини яқин кунларда мобил интернет тезлигида чекловлар бўлиши мумкинлиги ҳақида огоҳлантирди. Компания хабарига кўра, ушбу ҳолат 9-май кунига қадар давом этиши эҳтимоли бор. Бу ҳақда Ixbt.com хабар беради.
Оператор фойдаланувчиларга ушбу даврда интернетга уланиш учун Wi-Fi тармоқларидан фойдаланишни тавсия қилмоқда. Чекловлар байрам тадбирларига тайёргарлик кўриш ва уларни ўтказиш жараёни билан боғлиқ экани айтилмоқда.
Аввалроқ MTS ва «Билайн» операторлари ҳам шунга ўхшаш баёнотлар билан чиққан эди. Хусусан, MTS чекловлар нафақат Москва шаҳри, балки Москва вилоятига ҳам тааллуқли бўлиши мумкинлигини маълум қилган.
Мутахассисларнинг қайд этишича, мобил интернет ўчирилган тақдирда фойдаланиш мумкин бўлган «оқ рўйхат»даги сайтлар тизими ҳозирча Москвада тўлиқ ишламаяпти. Шу сабабли фойдаланувчилар тармоққа уланишда қийинчиликларга дуч келиши мумкин.
“Zamin”ни Telegram'да ўқинг!
