Европа космик агентлиги (ЭСА) Спасе Ридер лойиҳаси бўйича муҳим синовлар босқичини якунлаб, уни илк парвозга яқинлаштирди. Ҳозирда мутахассислар аппаратнинг энг мураккаб қисмларини, хусусан, атмосферага киришдаги иссиқликдан ҳимоя тизими ва бошқариладиган қўниш механизмини текширмоқдалар. Бу ҳақда Ixbt.com хабар беради.
Спасе Ридер паст Ер орбитасида икки ойгача қола оладиган учувчисиз орбитал платформа сифатида ишлаб чиқилмоқда. У микрогравитация шароитида тажрибалар ўтказиш, янги технологияларни синаш ва илмий миссияларни бажариш учун мўлжалланган. Парвоз якунлангач, аппарат тадқиқот натижалари ва жиҳозларни Ерга қайтариб олиб келади.
Анъанавий капсулалардан фарқли ўлароқ, Спасе Ридер қўниш учун парашют ўрнига бошқариладиган парофойлдан фойдаланади. Бу технология аппаратга самолёт каби аниқ қўниш имконини беради. ЭСА муҳандислари Сардиния полигонида тўлиқ ўлчамли макет ёрдамида автоном бошқарув тизимини синовдан ўтказишни режалаштирмоқда.
Шунингдек, аппаратнинг иссиқликдан ҳимоя қопламаси плазма трубасида 1600°К гача бўлган ҳароратда синаб кўрилди. Синовлар давомида қопламанинг микрометеоритлар ва космик чиқиндилар таъсирига чидамлилиги ҳам баҳоланди. ЭСА маълумотларига кўра, лойиҳа тизимли синовлардан муваффақиятли ўтмоқда ва унинг илк парвози ўн йиллик охиригача амалга оширилиши кутилмоқда.
“Zamin”ни Telegram'да ўқинг!
