Yandex таҳлилчилари фойдаланувчиларнинг Алиса AI ёрдамчисига «май байрамлари» мавзусида берган сўровларини ўрганиб чиқди. Маълум бўлишича, сўровларнинг ярмидан кўпи дам олиш кунлари ва байрам таътиллари давомийлигига оид маълумотларга тўғри келади. Иккинчи ўринда турли шаҳарлардаги об-ҳаво маълумотлари бўлса, учинчи ўринни пенсия ва тўловларни қайта ҳисоблаш масалалари эгаллаган. Бу ҳақда Ixbt.com хабар беради.
Байрам арафасида шашлик тайёрлаш бўйича қизиқишлар кескин ошган. Фойдаланувчилар гўшт танлаш, маринадлаш рецептлари ва қовуриш усуллари ҳақида фаол сўрашмоқда. Баъзи ғайриоддий сўровлар қаторида гўштни шампан виносида маринадлаш мумкинлиги ва унинг таъми қандай бўлиши ҳақидаги саволлар ҳам учрайди.
Шунингдек, одамлар шашликни қаерда қовуриш қонуний эканлиги билан қизиқишмоқда. Хусусан, парклар, махсус дам олиш масканлари ёки ҳатто квартира балконларида олов ёқиш имкониятлари муҳокама қилинмоқда. Сўровлар географик жойлашувга қараб фарқ қилади: масалан, москваликлар кўпроқ байрамда қаерга бориш ҳақида ўйлашса, аёллар об-ҳаво, эркаклар эса саёҳат йўналишлари бўйича кўпроқ маълумот излашади.
Таҳлил натижаларига кўра, ёш авлод вакиллари дам олиш жадвали ва об-ҳавога нисбатан катталарга қараганда камроқ қизиқиш билдиришади. Алиса AI ёрдамида амалга оширилган бу таҳлил фойдаланувчиларнинг баҳорги таътилга бўлган муносабати ва уларнинг долзарб эҳтиёжларини яққол намоён этади.
“Zamin”ни Telegram'да ўқинг!
