Xiaomi компанияси Хитой бозорида янги BE7200 Pro роутерини намойиш қилди. Ушбу қурилма Wi-Fi 7 стандартини қўллаб-қувватлайди ва БE19000 Pro моделининг соддалаштирилган версияси ҳисобланади. Бу ҳақда Ixbt.com хабар беради.
Роутер юқори самарали 8 та антенна ва 8 каналли сигнал кучайтиргич билан жиҳозланган. Бу технология деворлар орқали сигнал ўтишини яхшилайди ва ҳатто мураккаб шароитларда ҳам барқарор интернет алоқасини таъминлайди.
Қурилма Qualcomm НPro А7 ВиФи чипи, 1 GB тезкор ва 512 МБ ички хотира билан ишлайди. Шунингдек, у 600 тагача қурилмани бир вақтнинг ўзида тармоққа улаш имконини беради ва умумий тезлиги 7200 Мбит/с гача етади.
Қурилма сунъий интеллект ёрдамида трафикни динамик тақсимлаш функциясига эга. Шунингдек, бешта 2.5GбE порти, ота-она назорати ва киберхавфсизлик ҳимояси каби қулайликлар мавжуд.
Ҳозирда Хитойда сотувга чиққан ушбу роутер тахминан 175 доллар нархида баҳоланмоқда. Xiaomi ҳозирча қурилманинг глобал бозорга чиқарилиши ҳақида маълумот бермади.
“Zamin”ни Telegram'да ўқинг!
