Vivo Х500 туркуми: компания Х400 авлодини ўтказиб юбориши мумкин

Vivo компаниясининг навбатдаги флагман смартфонлари тақдимоти яқинлашмоқда. ГСМА ИМEИ базасида Vivo Х500, Vivo Х500 Pro ва Vivo Х500е моделлари пайдо бўлди. Қизиғи шундаки, ишлаб чиқарувчи Х400 туркумини бутунлай ўтказиб юбориб, тўғридан-тўғри Х500 сериясига ўтишга қарор қилган кўринади. Бу ҳақда Ixbt.com хабар беради.

Дастлабки маълумотларга кўра, Vivo Х500 6,37 дюймли экранга эга бўлади. Х500 Pro модели эса 2К аниқлигидаги ва юқори янгиланиш тезлигига эга 6,83 дюймли ЛТПО ОЛEД-панел билан жиҳозланади. Қурилмаларда экран остига ўрнатилган ультратовушли бармоқ изи сканерлари сақланиб қолиши кутилмоқда, бироқ смартфонларнинг ўлчамлари ўтган йилги X300 ва X300 Pro моделларига нисбатан бироз катталашади.

Янги туркумнинг техник асосини TSMC 2-нанометрли технологияси асосида яратилган MediaTek Dimensity 9600 процессори ташкил этиши кутилмоқда. Смартфонларнинг асосий устунлиги яна камера имкониятлари бўлади.

Pro-версиялар динамик диапазонни яхшилаш учун ЛОФИК технологиясига эга сенсорлар ҳамда 200 мегапикселли перископ телеобъектив билан жиҳозланиши тахмин қилинмоқда.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг