Труекаллер 70 нафар ходимини ишдан бўшатади
Швециянинг Труекаллер компанияси биринчи чоракдаги молиявий кўрсаткичлар пасайиши ортидан 2026-йилнинг иккинчи чорагида 70 нафар ходимини ёки ходимларининг қарийб 15 фоизини қисқартиришини эълон қилди. Компания даромадларининг камайишига Ҳиндистондаги реал пул тикиладиган ўйинлар секторидаги чекловлар, Google ҳамкорларининг реклама алгоритмларидаги ўзгаришлар ва Яқин Шарқдаги геосиёсий вазият сабаб бўлган.
Швециянинг Труекаллер компанияси 2026-йилнинг иккинчи чорагида ўз ходимларининг қарийб 15 фоизини ёки 70 нафарини қисқартиришини эълон қилди. Бу қарор компаниянинг биринчи чоракдаги молиявий кўрсаткичлари пасайиши ортидан қабул қилинди. Бу ҳақда Techcrunch.com хабар беради.
Компания даромадларининг камайишига Ҳиндистондаги реал пул тикиладиган ўйинлар секторидаги чекловлар, Google каби ҳамкорларнинг реклама алгоритмларидаги ўзгаришлар ҳамда Яқин Шарқдаги геосиёсий вазият сабаб бўлганини маълум қилди. Хусусан, Ҳиндистондаги соф даромад 41 фоизга, реклама тушумлари эса 44 фоизга қисқарган.
Шунга қарамай, Труекаллер фаол фойдаланувчилари сони 500 миллиондан ошди. Шунингдек, компаниянинг обуна бўйича даромадлари 27 фоизга ўсди. AI Ассистант ва Фамилй Proтектион каби янги функциялар пуллик хизматлар жозибадорлигини оширишга хизмат қилмоқда.
Компания раҳбари Ришит Жҳунжҳунвала ўтган йилги юқори кўрсаткичлар асосан Ҳиндистондаги крикет мавсуми билан боғлиқ реклама фаоллиги ҳисобига эришилганини таъкидлади. Жорий йилда компания акциялари қиймати сезиларли даражада пасайган бўлса-да, ҳисобот эълон қилинганидан сўнг қисман тикланиш кузатилмоқда.
Изоҳлар 0
…