Ҳиндистон интернет фойдаланувчилари овозли хабарлар ва қидирув тизимларидан фаол фойдаланишга ўрганиб қолишган. Бироқ, мамлакатдаги тил хилма-хиллиги ва мураккаб лингвистик муҳит сунъий интеллектга асосланган бизнесни кенгайтиришда қийинчиликлар туғдирмоқда. Шунга қарамай, Виспр Флов стартапи ушбу бозорни ўзининг энг тез ривожланаётган ҳудуди деб билади. Бу ҳақда Techcrunch.com хабар беради.
Компания ҳинд ва инглиз тилларининг аралашмаси бўлган «Ҳинглиш» тилини қўллаб-қувватлашни йўлани йўлга қўйди. Дастлаб Мак ва Windows учун ишлаб чиқилган дастурий таъминот эндиликда Android тизимида ҳам ишлайди, 2025-йилда эса iOS фойдаланувчилари учун ҳам тақдим этилиши режалаштирилган.
Виспр Флов асосчиси Танай Котҳари таъкидлашича, дастур дастлаб муҳандислар ва менежерлар орасида оммалашган бўлса, ҳозирда талабалар ва кекса ёшдаги фойдаланувчилар ҳам ундан фаол фойдаланмоқда. Ҳиндистон ҳозирда стартап учун АҚШдан кейинги иккинчи йирик бозорга айланди.
Компания фойдаланувчилар сонини ошириш мақсадида Ҳиндистон учун махсус арзонлаштирилган тариф режаларини жорий этди. Келгусида нархларни янада пасайтириш ва бошқа маҳаллий тилларни ҳам қўшиш орқали шаҳарлардан ташқаридаги кенг аҳоли қатламини қамраб олиш кўзда тутилган.
“Zamin”ни Telegram'да ўқинг!
