SpaceX компанияси Техасдаги Пад 2 старт майдончасида Starship В3 ракетасини илк бор тўлиқ йиғиб чиқди. Шип 39 ва Super Heavy Booster 19 тизимларидан иборат ушбу мажмуа Фlight 12 миссияси учун мўлжалланган бўлиб, унинг парвози дастлабки режаларга кўра 15-майдан кейинга белгиланган. Бу ҳақда Ixbt.com хабар беради.
Янги конфигурация Starship тарихидаги энг муҳим янгиланишлардан бири ҳисобланади. Шип 39 кемаси Raptor 3 двигателлари, ҳажми катталаштирилган ёнилғи баклари, такомиллаштирилган иссиқлик ҳимояси ва орбитал ёқилғи қуйиш учун зарур бўлган махсус жиҳозлар билан таъминланган. Booster 19 эса конструктив ўзгаришларга учраган бўлиб, унда тўртта ўрнига учта панжарали рул ва босқичларни ажратишнинг янги тизими қўлланилган.
Дастлаб Фlight 12 миссияси учун Боостер 18 ишлатилиши режалаштирилган эди, бироқ синовлар вақтида юз берган носозлик сабабли у яроқсиз ҳолга келди. Натижада SpaceX Booster 19 тайёргарлигини тезлаштирди ва у аллақачон 33 та Raptor двигатели билан 14 сониялик муваффақиятли синовдан ўтди.
Ушбу парвоз Starship лойиҳаси учун бурилиш нуқтаси бўлиши кутилмоқда. SpaceX ракетанинг юк кўтариш қобилиятини ошириш ва уни янги авлод Starlink сунъий йўлдошларини учириш, Артемис ой дастури ҳамда Марсга парвозлар учун тайёрлашни мақсад қилган. Илон Маск жорий йилда Starship ракетасининг тўлиқ қайта фойдаланиладиган тизимга айланишини вада қилган.
“Zamin”ни Telegram'да ўқинг!
