Павел Дуров Илон Маск ва Х платформасини қўллаб-қувватлади

Telegram асосчиси Павел Дуров Франция ҳукуматини иккиёқлама сиёсат юритишда айблади. Унинг сўзларига кўра, расмий Париж ўзи йўл қўяётган хатоларни яшириш мақсадида Х ижтимоий тармоғи ва Илон Маскка нисбатан босим ўтказмоқда. Бу ҳақда Ixbt.com хабар беради.

Дуров Франция ҳукуматини ваҳимага тушганликда айблаб, 2027-йилдаги сиёсий ўзгаришлар уларнинг ноқонуний ҳаракатларини фош этишидан хавотирда эканлигини таъкидлади. Унинг фикрича, ҳукумат сўз эркинлигини таъминловчи платформаларни ҳар қандай баҳона билан чеклашга уринмоқда.

«Эркин дунё Илон Маск ва Х платформаси томонида туриши керак. Telegram ўз эркинликлари учун курашаётган Х жамоасини қўллаб-қувватлайди», — дея баёнот берди Павел Дуров.

Франция прокуратураси эса Илон Маскни ижтимоий тармоқ фаолияти бўйича олиб борилаётган кенг кўламли тергов доирасида жиноят ишлари бўйича кўрсатма бериш учун чақирган. Бу ҳолат АҚШ ва Европа ўртасида технологик платформаларни назорат қилиш борасидаги қарашлар фарқини янада яққол намоён этмоқда.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг