Хитойда Huawei ва Мидеа компаниялари ҳамкорлигида HarmonyOS операцион тизимида ишловчи дунёдаги илк ақлли кондиционерлар тақдимоти бўлиб ўтди. Янги туркумдаги Мидеа Air Кондитионер Pro ва Мидеа Алл-ин-Оне Винд Pro моделлари Хитой бозорида мос равишда 5399 ва 7699 юан нархида сотувга чиқарилди. Бу ҳақда Ixbt.com хабар беради.
Мидеа Air Кондитионер Pro моделининг асосий афзаллиги HarmonyOS экотизими билан чуқур интеграциялашганидир. Huawei вакили Ю Ченгдонг компаниялар келгусида чиплар, операцион тизимлар ва ақлли уй технологиялари соҳасидаги ҳамкорликни янада кенгайтиришни режалаштираётганини маълум қилди.
Мидеа муҳандислари хонадаги ҳаво сифатига алоҳида эътибор қаратишган. Кондиционер "Дуал 37" тизими билан жиҳозланган бўлиб, у 37 дБ дан паст шовқин даражасида соатига 37 куб метрдан ортиқ ҳаво алмашинувини таъминлайди. Ўрнатилган КО2 датчиги эса реал вақт режимида хонадаги карбонат ангидрид миқдорини назорат қилиб, деразалар ёпиқ бўлганда ҳам уни 1000 ппм даражасидан пастда ушлаб туради.
Тақдимот давомида кондиционерлардан ташқари Меипонт Винд Год Эе Труе Фреш Air Сйстем ва Флоор Стандинг Air Сйстем вентиляция тизимлари ҳам намойиш этилди. Ҳозирда ушбу қурилмалар HarmonyOS Смарт Ҳоме дўконлари ва Huawei брендига тегишли маиший техника бўлимларида сотувга чиқарилган.
“Zamin”ни Telegram'да ўқинг!
