Осиё бозорида DDR5 оператив хотира модулларининг нархи ошиши ортидан сохта маҳсулотлар оқими кўпайди. Интернетдаги савдо майдончалари ва чакана дўконларда сотувга чиқарилган ушбу қурилмалар ташқи кўринишидан ҳақиқий хотира модулларига ўхшаса-да, аслида ҳеч қандай функционал хусусиятга эга эмас. Бу ҳақда Ixbt.com хабар беради.
Х ижтимоий тармоғи фойдаланувчиси Таки томонидан эълон қилинган маълумотларга кўра, 16 гигабайтли Samsung маркали деб тақдим этилган модулларда СК ҳйних чиплари ўрнатилгани кўрсатилган. Бироқ, текширувлар давомида ушбу «чиплар» аслида оддий пластик бўлаклар эканлиги аниқланди. Фирибгарлар пластик қисмларга махсус маркировка тушириб, уларни ҳақиқий хотира чиплари сифатида кўрсатишга уринишмоқда.
Ҳозирда бундай сохта маҳсулотлар Яҳоо Жапан каби платформаларда «кафолатсиз» ва «қайтариб олинмайдиган» шартлар билан сотилмоқда. Мутахассислар харидорларни эҳтиёткор бўлишга ва шубҳали арзон нархдаги техникаларни харид қилмасликка чақирмоқда.
Компьютер бутловчи қисмлари тақчиллиги ва нархларнинг юқорилиги фирибгарлар учун қулай муҳит яратмоқда. Харидорлар бренд номи ва ташқи кўринишга алданиб, ишламайдиган пластик қисмларни сотиб олиш хавфи остида қолмоқда.
“Zamin”ни Telegram'да ўқинг!
